NGERENDAH ITU INDAH

Di sikok kesempatan, ado turis asing yang ninggal di negeri kito ini. Kareno turis tu baik nian waktu dio masih idop, sampe-sampe Tuhan ngenjuk dio kesempatan untuk milih : surgo apo nerako. Tahu deweknyoninggal di Indonesia, samo lah sering nian di kibuli wong, mako dio minta untuk njingok dulu cak mano nian surgo samo nerako. Nah pas dio masuk surgo nak nyingok-nyingok, dio betemu samo pendeta, kiai samo wong yang baik galo, yang biasonyo tiap hari baco kitab suci smo sembahyang. Trus dah tu dio jugo nyingok kenerako, disano banyak nian hiburannyo. Ado betino belagak samo seksi-seksi lagi tripingan, Ada pulo lapangan golf yang indah nian. Pendek cerito, neraka pecaknyo lebih hepi samo pacak beseneng-seneng dibandingke samo surgo, pacak dak katik kawan kalu ke surgo.

Yakin samo penjungo’annyo, situris tadi minta ke Tuhan untuk tinggal di nerako bae. besoknyo, alengke kejutnyo dio. Pas nyampe dinerako, bukannyo yang pecak di jingoknyo pas kemaren, disitu dio nyingok ado wong di bakar, digantung, disiksa samo gawean-gawean ngeri lainnyo. Kareno dak samo samo yang di jingoknyo kemaren turis itu protessamo petugas neraka yang asli Indonesia. Trus si petugas cak dak katik duso nyawab: 'kemaren kan hari terakhir pekan kampanye pemilu". saking puriknyo turis tadi bergumam : 'dasar Indonesia, jangankan pemimpinnyo, Tuhannyo bae dak pacak dipecayo!'.

Oi dulur galo, ini ni cuman kelakar bae, dak katik yang nak ngelarang kalau nak ketawo. Tapi cerito ini nunjukke, kalu kepercayaan(trust) udah menjadike bibit unggul ato komoditi yang pecaknyo langka trus tu hargonyo mahal nian di negeri kito tecinta ini, Dan kito samo-samo jugo dah tahu, di masyarakat mano bae kepercayaan itu mahal dan langka, kito susah nak nyari jalan keluarnyo.

Janganke dalam komunitas besak pecak bangsa dan perusahaan yang tenago kerjamyo ribuan banyaknyo, dalam komunitas kecik pecak keluarga bae, kalu kepercayan dak katik lagi kadang, pasti galonyo jadi runyam. Balik dalu dikit bae, pasti lah ujungnyo ribut dan wong rumah brepetan sampe kemano-mano. Keluar nyetil dikitlah cemburu pulo..

kalu di perusahaan malah parah lagi. Ketidakpercayoan lah jadi kanker yang ngeringamke. Krisis ekonomi samo konglomerasi sumbernyo dari sini. Buruh yang mogok trusdemo samo pimpinannyo, jugo diawali dari sini. Apo lagi krisis perbankan yang emang secara dasar(institusional; baso kerennyo) bertumpu pada sikok-sikonyo modal : yang punyo duit (trust capital; keren kan).

kalo kito nemen baco berita-berita politik, kito pasti betemu samo yang namonyo siklus ketidakpercayoan yang lebih hebat dukin. Rozak dak pecayo samo bedu, trus badu menci si surif,si surif pasti bebala samo rozak.. nah Inilah lingkaranketidakpercayoan yang lagi manjangke samo marakke krisis.

di lingkungan pecak itu, kalu terus kejingoan kasus-kasus perburuhan pecak kasus pt pusri yang dak ngenjuk pesangon samo karyawankontraktor anak perusahaannyo yang ujungnyo dak katik kesudahan. Hal ini samo sekali dak disadari samo pt pusri dewek sebagai indu perusahaannyo. Kito ni lagi memproduksi pecak itu jugo, samo.

kalu subuh-subuh kito bangun, trus muka lawang, eh di depan lawang rumah kito ado asoi yang isinyo tahi sapi, lengkap pulo samo alamat pengirimnyo, tango depan rumah pulo. Pertanyaan aku sederhana bae: apo yang nak kau lakuke? Aku lah nanyo samo banyak, bahkan wong.apo katonyo, macem-macem jawabannyo.

Yang jelas, pikirannyo negatif galo, 'pecak sentimen, benci, purik, sakit ati dannak munuh, macem-macem pokoknyo', narok tai’ sapi tadi itu awal dari permusuhan (bahkan mungkin ngajak perang) samo tanggo depan rumah. Lain pulo samo mereka yang pikirannyo pikiran positif 'sabar, tenang dan njingok masalah dari segi baiknya' narokke masalah ini sebagai awal persahabatan samo tetangga depan rumah. Bedanyo sangat sederhana, yang negatif njingok tahi sapi sebagai kotoran yang njengkelke. Yang punyo pikiran positif nganggep tai sapi di depan rumah sebagai hadiah pupuk untuk tanaman halaman rumah yang lagi kerdil.

hidup kito ini samo bai pecak tahi sapi. Dio idak hadir lengkap dengan dimensi positif dan negatifnyo. Tapi pikiranlah yang mbuatnyo jadi cak itu. Penyelesaian persoalan mano bae 'termasuk kasus perburuhan pusri' biso cepet biso jugo dak katik ujung. tegantung samo seberapa banyak energi-energi positif hadir dan berkuasa dalam pikiran kito.

Cerito tentang tahi sapi ini kejingoannyo mudah dan indah, tapi perkaranyo jadi lain, kalo sudak beradepan langsung samo kenyataan dilapangan, lain nian. Aku bae kalu napeti masalah cak itu, ado yang ngenjuk tai sapi depan rumah aku pasti idak seratus persen dijamin positif, kekuatan negatif kadang muncul di luar kesadaran kito, yo dak hehehehe.

kasus cak ini ngingetke aku samo ngandaike manusio yang mirip samo sepeda motor yang setangnyo cumin pacak di belok ke kekiri bae. Betino yang kenemenan disakiti lanang, stang-nyo pasti nyingoknyo ke lanang dari perspektif kebencian. Mereka yang lamo begawea di perusahaan yang sering ngbuli gaweannyo, selamonyonyinggok rai pengusaha sebagai penipu. Inilah yang oleh banyak kawan psikolog dinamoke pengkondisian yang mematike.

Peperangan melawan keterkondisian, mungkin itulah jenis peperangan
yang paling menentukan dalam memproduksi masa depan. Dak tahu dengan pengalaman Anda, tapi pengalaman aku hidup betahun-tahun di pinggir kali ngajak aku untuk merenung. banyu laut jumlahnyo jauh lebih banyak dibandingke dengan banyu sungai. Dan sikok-sikoknyo sebab yang bikin cak itu, kareno laut berani merendah.


Cak itu pulo kehidupan aku bertutur. Dengan penuh rasa syukur samo Tuhan, aku lah ngerasoke banyak nian hal dalam idop aku. Kalau duit samo jabatan ukurannyo, aku emang bukan wong hebat. Namun, kalu raso syukur ukurannya, Tuhan tahu dalam klasifikasi manusio mano aku ini idup. Galonyo yang aku dapetke, lebih banyak kareno keberanian untuk merendah.

Ado yang ngatoke kehidupan cak itu pecak kaos kaki yang diinjak-injak samo wong. Wong yang nyebut cak itu hidupnyo maju, dan akupun melaju dengan kehidupan aku. Dak tahu ini kebetulan apo idak. Dak tahu tahu apo idak samo pilosopi hidup aku cak ini. Seorang pengunjung web site saya mengutip Rabin Dranath Tagore : 'kita bertemu yang maha tinggi, ketika kita rendah hati'. ***


by Gede Prama di konfersi dalam bahasa palembang