WAHANA KREASI PEMUDA HINDU SUMATERA SELATAN

Sabtu, 29 November 2008

"Banjir!!!!!Banjir!!!!!”

CERPEN “Banjir!!!!!Banjir!!!!!”

Sikok pekikkan pasti suasananyo lah rame nian, mugolah hari dalu. Wong belarian hilir mudik kesano kemari,. Ado yang ngendong buntelan pakean, ado jugo yang nggotong tipi. Di tempat yang agak pucuk wong lah bariske motornyo biar dak keno banyu. Idak ketinggalan pulo klakson nyo bebunyi saling nyaut, karno dak sabaran nak nyari posisi parker. Rami dak?

Mang somat jugo dak sabaran ngedor-ngedor kamarnyo, karno bininyo dari ditinggali sejam yang lalu dak jugo keluar kamar.

“dek, cepetla!”

“bentar kak, denget lagi!” Sahut bik jumai dari kamar.

“barang jangan dibawa galo dek,. Yang penting-penting bae!”

“ih, siapo yang buntelin barang. Kakak ini cak tau bae!”

Mang somat kesel. “lha kau ngapoi lamo nian?! Ayo, cepetla keluar. Banyu la naik. Kito harus ngungsi agek keburu!”

Bik jumai njawab santai,”denget lagi, kak. Riasanku belum beres. Malu lah kalo aku gek kejingoan dak cantik, kan di sano banyak wong age!".
Pecaknyo tensi darah mang somat naik lagi.

Di sebuah kampung di kawasan sekip bendung ini sebenarnyo banjir adalah rutinitas tiap tahun. Wargo disano lah terlatih mengantisipasi tando-tando alam dan mengevakuasi barang. Sejak beberapo jam yang liwat separoh besak warga lah ngevakuasi barang-barang yang besak dan yang berat ke tempat yang diraso dak di datangi banyu. Misalnyo, halaman kamp[us universitas iba yang terletak di ujung jalan dan kebetulan dak pernah keno banjir,. Ato bagi yang rumahnyo panggung, barangnyo galo-galo di naikke ke pucuk. Itulah selamo ini tempat yang di jadike tempat ngungsi kalo banjir dateng..

Namun idak urung banjir yang dateng malem itu dak pulo deras tapi cokop nyusai jugo. Specak amir, budak bujang duapuluhan umurnyo, yang tergopoh-gopoh nyari neneknyo yang sedang asyik nonton tv. Neneknyo yang lah pikun agak pekak itu penggemar berat sinetron religi yang tayang pada saat prime-time.

“nyaiiiiiii! Banyunyo masuk nyai!”

Neneknya diam. Terpukau dengan kesaktian sang ustadz sakti nan ganteng.

“nyai!nyai!”

“hah?!” Neneknya menjawab sombong nian.

“banyu dateng!”

“yo sudah suruh masuk bae. Sediokebe banyu minum. Namonyo jugo tamu.”

“bukannyo tamu, nyai. Tapi yang dateng banyu!”

“ado-ado bae kau ni cung,” sahut neneknya kesal merasa diganggu. “masak tamu dateng bawa banyu kesini!”

Amir dengan hormat nyo narik tangan neneknyo. Kalu idak, pacak mati berdiri aku, rotok amir. Lagi musibah banjir maini malu rasanyo ngerepoti wong sekampung kalu nak harus pulo’ ngurusi jenazahnyo, pikirnyo. Saking paniknyo, amir lupa kalu jenazah lah dak benyawo. Apolagi punyo malu.

Air banjir kiriman dari timbunan ptc mulai merendam bantaran kali bendung samo pemukiman di dekatnyo. Hujan gerimis yang mendadak lebet nambah naik banyu di sungi bendung. Wargo mulai was-was. Kareno tempat yang paling terendah di kampung itu justru ngerupake kampung yang padet penduduknyo samo letaknyo dipusat kota palembang pulo.

Di sepanjang jalur mulai dari depan percetakan rambang menuju ke arah kampus universitas iba, lah mulai terendem, apolagi jalan menuju ke arah jalan bendung sampe sma trisula banyu lah se pinggang wong dewasa.. Kareno, berdasarkan pengalaman banjir-banjir sebelumnyo, daerah bendung ini ngerupeke daerah resapan banyu dari mano bae, mulai dari arah ptc, dari arah caritas, dari arah veetran, jadi banyu yang dari ptc, caritas, veteran galonyo ngalir ke arah bendung, jadi kalu lah di daerah jalan basuki rahmat yang di deket ptc di daerah jlan rawasari lah banjir sekip pasti kelelep. Jadi yang dijadike patokan tingginy banyu yo disekitar sungi bendung yang ado di deket balai diklai pln di deket sekolah trisula, banyu disanolah yang dijadike okoran warga kapan nak ngungsi/ samo ngangkuti barang keluar dari rumah, ato kalu nak balik kerumah

“wah, gawat! Katanya banyu di rawa sari lah seleher!” Pekik bapak bapak yang lagi menggendong anaknyo. Di sampingnyo bininyo yang membawa duo tas besak jugo lah gelisah ketakutan. Wargo gempar nian nenger pekikan itu. Pas itukan masih banyak barang dan kendaraan warga yang belum sempat diungsike.

“hah?! Lah seleher?”

“iyo, katanyo,” ujar si pembawa berita.

Pak rt laju kebingungan. “padahal kan biasanyo kalo banjir baru mak ini paling seperut. Gawat!”

Suasana panik. Untunglah ado yang berinisiatif bertanyo,”siapo yang ngomong?”

“wah, aku idak tahu. Aku kan baru tigo hari ngontrak di sini. Idak pulo banyak kenal wong,” kato si bapak. “tapi katanyo sih namonyo ruslan.”

“betul, namanyo ruslan. Katanyo dio baru bae dari depan ptc!” Ujar bininyo yakinke.

“yang ado codet di pipinyo?” Pak rt ngeyakinke.

“betul, pak.”

Galonyo yang ado di situ pado ketawo, seolah ilang raso cemas mereka.

“huh?! Aku kiro seleher siapo!”

Balek ceriro ruslan itu warga yang “istimewa” dikampung sekip bendung, wongnyo cebol tinggi badannyo cuma sekitar 140 centi. Wong palembang bilang dio itu wong cebol.
***
banjir adalah peristiwa yang menyatukan banyak orang
Kalu nak di jingok lagi lucu yo, banjir itu pacak nyatuke banyak wong. Warga kampung yang jarang betemu pacak saling kenal di tempat pengungsian. Saling melakukan kegiatan besamo. Pecak mengantri mandi di kamar mandi yang ado di diklat pln. Maksudnyo, yang bareng itu ngantrinyo, bukan mandinyo.

“lamo jugo yo kito idak ketemu,” ujar udin. Dio ketemu samo daus, kawan sebangku semaso smp. Udin samo keluargonyo ngungsi di tenda pengungsian yang dibangun di depan diklat pln,. Meski samo-samo korban banjir, posisi daus agak nyaman dikit. Yo, kareno dio beserta keluargonyo tiduk di halaman gedung diklat, sedengke si udin kebagian tenda di pinggir jalan. Saat banjir tahun ini sebagian daerah jalan sampai kantor-kantor yang idak keno banyo jadi tempat pengungsian.

“sudah duo poloh taon, kalo idak salah,” sahut daus. Mereka sedang duduk-duduk di depan posko bantuan korban banjir. Sambil asyik menikmati nasi bungkus berlauk telok rebus dan tempe goreng yang dibagi-bagike samo relawan posko.

“tapi aku heran, us. Kok kau ngungsi jugo? Kan rumah kau idak keno banji. Tempatnyo tinggi trus deket sinilan.” Tanya udin.

“aku dak lemak, din.”

“idak lemak?” Idak lemak aponyo?”.

“iyo, samo tetanggo. Agek dikatoi idak solider. Sekarang kan trendnyo ngungsi. Yo, aku melok ngungsilah!”

Udin bengong. Meski lah duo poloh taon liwat, sohebnyo memang idak berubah.

“nah, kau dewek idak pengen nak pidah dari sini? ‘kan idak lemak kebanjiran terus,” daus balik bertanyo idak peduli ekspresi wajah sohebnyo.

“pengen lahhhh,” ujar udin. “tapi kemano yo? Di palembang kan saro nyari kontrakan murah dan bebas banjir!”

“di daerah talang jambe bae. Itu kan dataran tinggi.deket pulo dengan bandara, kan pacak ndenger pesawat lewat terus. Aku jugo rencanonyo nak pindah ke sano.” Uji daus sambil menyeruput air mineral dalam botol kecil.

“kapan pindahnyo?

“dak tau. Kan baru nak!”

Udin kesel. Skor 2-0 untuk daus.

Udin ngeremas bungkus nasinyo yang lah bekaparan. Pandangannyo menerawang ke langit palembang yang mendung. “aku jugo nak pindah. Capek kebanjiran terus. Hargokontrakan naik terus pulo!”

“nah, mak din. Pindah ke talang jambe bae melok aku.”

“wah cocok tuh, agek kito sebelahan yo. Biar tetanggoan.”

Udin nyenge,”iyo dong. Kito kan sohib dari smp. Nanti kalo kito tetanggoan kan jadi lemak pinjem-pinjeman barang. Yo, dak?”

Rai daus berubah masem. “pinjem barang? Agek kau masih pacak waktu smp lagi!”

“maksud kau?”

“iyo, barang-barang aku dak katik yang balik kalo kau yang minjam!”

“itu kan dulu. Agek kan dak lagi. Swear!”

“ngolake!” Hardik udin. Kumisnyo bergerak-gerak kesal. “kalo agek aku tetanggoan sama kau dan punyo mobil, cak mano? Kau pasti minjem.trus idak bakal kau balik ke!”

“lha, din, aku pasti balike lah mobil kau. Percaya lah!”

“ah, galak ngolai kau. Pasti mobil aku kau jual. Pilat kau!”

Daus gerem. Dio tegak sambil menuding dado udin,“heh! Aku idak takut samo kumiskau tahu. Lemak bae nuduh aku nyual mobil kau. Idak pecayo nian jadi wong!”

“bohong! Kau pasti nyual mobil aku!” Udin nyulai dado daus. Daus jugo males. Mereka saling julak samo saling gulet. Relawan posko yang sibuk magi-magike nasi bungkus jadi tambah gawean, misai wong yang lagi bebala. Separo pengungsi yang sigap melok jugo membantu mengamanke. Ngamanke nasi bungkus yang nak dibagi-bagike. Dan tempat yang paling aman menurut mereka adalah perut mereka dewek.

Sementara itu dak tahu berapo skor mak ini antara udin samo daus. Mungkin duo samo. Samo-samo gilo, samo-samo buyan. Ah, banjir memang pacak bikin wong stress mental.

Itulah ngapo para pakar psikologi berpendapat para korban banjir memerlukan layanan terapi mental dan psikologis. Banjir yang ngerendem rumah dan harta benda jugo diyakini mengganggu mental sebagian warga. Oleh kareno itu berbagai pihak yang berduyun-duyun turun ke lapangan seperti parpol, lsm atau yayasan sosial jugo ngajak para psikolog dalam program bakti sosial ontok para korban banjir.

“namonyo siapo, bapak?” Tanyo sang psikolog mudo, cantik pulo kepado seorang korban banjir yang nampaknyo tertekan. Rai tuonyo kejingoan tambah tuo.

“mamat bin suaep.”

“pak mamat, apo yang bapak rasoke mak ini?”

Pak mamat tediem. Io bingung. “apo yo? Idak, idak teraso apo-apo.”

“yakin?”

“fifty-fifty.”

Sang psikolog kaget. Wah, ketularan kuis wong ini! Tapi dio sabar bae. Sambil nyelik pak mamat yang juga nyingoki nyo, sang psikolog terdiem sambil berpikir keras. Maklum, dio baru lulus kuliah psikologi. Ini adalah proyek terapinyo yang pertamo.

“mak ini , pak. Aku raso…”

pak mahmud tersenyum genit. “ehm, memang adek ngeraso apo samo aku? Iyo sih, tadinyo aku idak ngeraso apo-apo. Tapi aku mak ini ngeraso seneng samo adek. Adek belagak sih!”

Sang psikolog kaget nian . Dasar playboy tuo!

Setelah susah-payah nyobongusir pasien pertamo, tibo giliran pasien keduo. Seorang kakek. Usionyo kiro-kiro tojoh poloh taon. Mak itu yang dicatat sang psikolog dalam buku catatan prakteknyo. Sementara bini pasien duduk mendampingi kakek itu yang kejingokan tegang.

“nah, pak jaki, apo yang bapak rasoke?”

“macem-macem. Puning, sedih. Campur aduk.”

Sang psikolog nyenge. Bingo!

Ia geluarke selembar kertas dan menuliske stress dengan huruf besak-besak. “pak, cubo baco ini. Inilah yang bapak rasoke. Apo? Cubo sebutke?” Tanya sang psikolog seraya memampangkan lembaran kertas itu di depan pasiennyo.

Pak jaki melotot nyelit kertas itu. Mulutnyo menganga. Istrinyo juga kejingokan tegang.

Ya, tuhan, betapo stressnyo mereka! Batin sang psikolog.

“aku idak pacak baco, bu,” ujar pak jaki. “pening palak aku!”

Sang psikolog mengangguk-angguk. Dio cobo berempati. Emang ketegangan dan tekanan mental pacak menghilangkan sebagian kecerdasan wong, pikirnyo menganalisis.

“santai be, pak,” senge sang psikolog menenangkan. “aku paham tekanan mental bapak besak nian. Tapi aku yakin kalu bapak pacak rileks, bapak pasti pacak maco tulisan ini.”

“iyo nian apo, bu?” Kali ini sang istri pasiennyo yang bertanyo.

“betul, bu. Asak bapak jaji lebih rileks pasti bapak pacak. Ibu tenang bae.”

“tenang cak mano, bu? Wong laki aku ini memang tidak pacak baca dari kecik. Alias buo huruf. Disuruh melok kejar paket a minggatr terus!” Sungut istrinyo.

Oh, my god, it’s happened again! Rai sang psikolog memerah.

“tapi kalo ibu pacak tolong ajarke laki aku maco ya, bu. Caronyo cak mano tadi? Rileks yo?” Tanyo bini pak jaki penasaran.

Sang psikolog menggaruk-garuk kepala idak gatal.
***
Banjir Adalah Sebuah Peristiwa Politik.

Banyak parpol datang mendirikan posko bantuan. Mereka adoke acara-acara bakti sosial dengan pengobatan gratis. Tapi sayang idak galonyo tulus ikhlas. Sebagian parpol cuman tekesan alakadarnyo bae dalem hal kemampuan tim medis maupun stok bantuan obat-obatannyo.

“pak, tolong ukur tensi darah aku yo!” Pinta seorang ibu. “aku pening terus ini. Kayaknyo tensi darah aku naik.”

Si relawan kesehatan itu mengukur tensi darah si ibu dengan cak gala cak idak. Caro kerjonyo kejingok’an kaku kaku nian. Terus tu lamo dio nyingok’i angko pengukur di alat tensi darahitu. Cak nyo dio bingung.

“berapo, pak?”

“hm…lah emangnyo tensi darah ibu biasanyo berapo?”

“seratus sepuluh per sembilan puluh.”

“yo sudah semak itu lah. Mak itu bae repot nian!” Uji sang relawan ketus serayo menyilakan si ibu pegi.“gratisan kok nak akurat!”

Kasihan. Kasihan nian si ibu kareno lah membuang-buang waktunyo. Kasihan jugo si relawan kareno dak katik malu.

Para kandidat gubernur jugo idak malu-malu berkampanye di tengah korban banjir. Idak langsung memang. Tapi melalui bantuan beras dan bahan makanan. Foto nyo tecetak di karung beras atau plastik pembungkus selimut tipis. Dengan senyum semanis mungkin. Dak tahu lah kalu mereka tahu gambar wajah mereka jadi tatakan iler para pengungsi yang idak kebagian alas tiduk.

Saat pembagian beras di sebuah posko bantuan.

“buk, berasnyo merek apo?” Tanyo seorang gadis kecik di antrian ke seorang ibu yang menenteng sekarung beras.

“mereknyo apo? Yo, idak katik mereknyo, dik. Namanyo beras ransum.gratisan. Dak katik lah barang bermerek buat korban banjir!” Si ibu tersenyum. “dikasih jugo syukur deh!”

“mereknyo mang ridwan bukan?” Tanya si gadis kecil menyebut namo salah satu kandidat calon legislatif yang nyalon dari daerah sekip.

“mang ridwan?” Si ibu tambah heran. “ini…” dio meneliti foto siapo yang tecetak di karung kecik ukuran lima liter itu. “ini kan gambarnyo pak mahmud!” Dio mengangsurke gambar lanang tuo berkumis tebal dengan senyum lebar.

“yaa…bukan mang ridwan yo? Ya udah, idak jadi jadi,” si gadis kecik metu dari antrian.

“lho ngapo, dik?”

“emak aku nyuruh ngantri beras yang gambarnyo mang ridwan. Katanyo mang ridwan lebih belagak, lebih simpatik. Ibu aku fans berat mang ridwan,” jawab si gadis kecik itu. “katanyo kalo bukan merk mang ridwan mending idak usah bae.”

“weee, bilang ke emak kau yo. Makan tuh foto ganteng! Tako’an!” Si ibu jadi kesal dewek. Tapi kemudian dio memperhatike foto di karung berasnyo sambil manggut-manggut. “iyo, yo. Si bapak ini ketebelan kumisnya. Kalo cak andi mallarangeng sih keren!”
***
Banjir Adalah Sebuah Pesta.

Pesta bersih-bersih rumah. Pesta memupuk harapan akan janji pemerintah setempat bahwa para korban banjir akan mendapatkan bantuan perbaikan rumah.

“kita bakal dapat bantuan 1 m dari pemerintah lho!” Uji pak rt semangat nian di depan warganyo.

“nian, pak?”

“insya allah, itu kato pak gubernur!” Janji pak rt mantap. “kito tunggu bae!”

Duo bulan kemudian.

“pak rt, idak salah ini?!” Uji seorang warga sambil mengacungkan sebungkus mie instan. Rainyo berang. “masak cuma dapat mak ini bae?!” Masing-masing kepala keluargo mendapatkan satu paket sembako berisi beberapa bungkus mie instan, teh bubuk, terigu, gula pasir, kecap dan uang sebesar dua puluh lima ribu rupiah.

“hmm…mak ini, bapak-bapak. Yang keno banjir kan idak kito bae. Tapi 70% wilayah palembang. Jadi tentu bae pembagiannyo harus merato. Dan 1 m itu untuk tiap kelurahan. Jadi ya cak inilah yang kito dapet,” pak rt berusaha berdalih canggih.

“pak rt, sebenarnyo janjinyo dulu itu 1 m itu milyar apo mie instan sih?!” Kelakar warga. Tawo pun meledak. Ngetawoi kemalangan diri sebagai wong kecik.

Pak rt tertegun. Jangan-jangan dio yang tuli. Tapi pihak yang menjanjikan tentu lebih tuli lagi, dio membela diri dalam hati. ***
palembang 30 november 2008

Label:

1 Komentar:

Blogger Bali Fashion Accesories mengatakan...

sakeng palembang sering keno banjir
mak ini ari dah dibikin jadi cerito kelakar.
jingok bae kelakar dari mang putu
kenren abiz....
bekelakar lagi yo yang banyak
supayo wong2 tau kelakar palembang.

14 Januari 2009 pukul 20.03

 

Posting Komentar

Berlangganan Posting Komentar [Atom]

<< Beranda